Узбекистан Улсын Ташкент хотноо иогийн долоо дахь удаагийн Олон улсын бага хурал 2025 оны есдүгээр сарын 17-18-ны өдрүүдэд болов. Энэхүү бага хурал нь Дундад Азид анх удаа зохион байгуулагдсан гэдгээрээ онцлог бөгөөд “Иог нэг дэлхий, нэг эрүүл мэндийн төлөө” уриан дор өрнөсөн байна.

    Энэхүү бага хурлыг Энэтхэгийн AYUSH яам, Олон улсын соёлын харилцааны зөвлөл (ICCR), Ташкент дахь Энэтхэгийн Элчин сайдын яам болон Узбекистаны Иогийн холбоо хамтран зохион байгуулжээ. Бага хуралд Энэтхэг, Узбекистан, Казахстан, Киргизстан, Тажикстан, Туркменистан, ОХУ, Гүрж, Армен, Монгол зэрэг 10 гаруй орны төлөөлөгч оролцож, бүс нутгийн хамтын ажиллагааны чухал илэрхийлэл боллоо.