Самбо бөхийн Ази тивийн аварга, “Женко” клубийн тамирчин, Уран-Өлзийгийн Анужин 2005 оны энэ өдөр Улаанбаатар хотод мэндэлжээ. У.Анужин ЕБС-ийн дөрөвдүгээр ангид байх үеэсээ эхэлж жүдо, самбо бөхөөр  хичээллэсэн. Одоо тэрбээр “Их Засаг” олон улсын их сургуулийн 2-р курсийн оюутан.  У.Анужин 2024 оны самбо бөхийн ДАШТ-д байлдааны самбо бөхийн төрөлд тулалдаж хүрэл медаль хүртсэн. Самбо бөхийн өсвөр үе, залуучууд, насанд хүрэгчдийн ДАШТ-ий мөнгө, хүрэл медальтай. Самбо бөхийн Ази тивийн аварга. Жүдо бөхийн “Топ-6” тэмцээнээс хүрэл медаль хүртэж байсан.