Бүгд Найрамдах Уганда Улсад засмал замын дугуйн насанд хүрэгчдийн дэлхийн аварга шалгаруулах тэмцээн есдүгээр сарын 24-29-ний өдөр болно. ДАШТ-д эрх авсан дэлхийн шилдэг 200 дугуйчин өрсөлдөнө.

    Дэлхийн аваргад манай улсаас Үндэсний шигшээ багийн дасгалжуулагч А.Алтансүхийн удирдлага дор элит ангилалд Б.Тэгшбаяр, Э.Билгүүнжаргал нар, бөөн гараатай уралдаанд Х.Тэмүүлэн уралдахаар бэлтгэл сургуулилалтаа хангаж байна.

    Тус тэмцээнээс медаль хүртсэн цор ганц монгол дугуйчин нь гавьяат тамирчин Ж.Өлзий-Орших юм. Тэрбээр 1997 оны ДАШТ-ээс Монголын дугуйчдын анхны хүрэл медаль, 2002 оны ДАШТ-ээс мөнгөн медаль хүртэж байв.