Хорват Улсын хотод  "Загреб-2025" ДАШТ-ий сонгомол бөхийн барилдаан эхэллээ. Манай улсаас сонгомол бөхийн 130 кг-ын жинд Батбаярын Намбардагва барилдана. Тэрбээр эхний тойрогт Украины бөх, Европын аварга шалгаруулах тэмцээн хүрэл медальт Микола Кучмитэй барилдана.

     Б.Намбардагвын тухайд, өнөө жил дэлхийн чансааны оноо олгох "Улаанбаатар-опен" тэмцээний сонгомол бөхийн төрөлд мөнгөн медаль хүртсэн төдийгүй чөлөөт бөхийн “U23” хүртэлх насныхны Ази тивийн аваргад түрүүлсэн тамирчин билээ. Мөн өнөөдөр чөлөөт бөхийн эмэгтэйчүүдийн 62 кг-ын жинд дэлхийн аварга П.Орхон хүрэл медалийн төлөө барилдана.