“ОБЕГ”-ын дарга, хошууч генерал Г.Ариунбуян боксын насанд хүрэгчдийн дэлхийн аварга шалгаруулах тэмцээний эмэгтэйчүүдийн 48 кг-ын жинд хүрэл медаль хүртсэн “ОБЕГ”-ын дэргэдэх “Аврагч” биеийн тамир-техник спорт хорооны тамирчин, ОУХМ Л.Алтанцэцэгийг өчигдөр хүлээн авч уулзан, хүндэтгэл үзүүллээ.

    Хошууч генерал Г.Ариунбуян “Эх орныхоо нэрийг дэлхийн дэвжээнээ дахин цуурайтуулан, түүхэн амжилтаа бататгасанд баяр хүргэж, цаашдын тэмцээн, уралдаанд амжилт хүсье” хэмээн хэлсэн үгэндээ тодотгосон юм.

    ОУХМ Л.Алтанцэцэг нь 2023 оны дэлхийн аварга шалгаруулах тэмцээнээс мөнгөн медаль хүртэж байсан бөгөөд ийнхүү ДАШТ-ээс дараалан медаль хүртсэн Монголын анхны эмэгтэй боксчин болж, шинэ түүхийн эзэн болоод байна.