Жүдо бөхийн өсвөр үе, залуучуудын Ази тивийн аварга шалгаруулах тэмцээн Индонези Улсын Жакарта хотноо зохион байгуулагдаж байна. Энэ удаагийн тивийн аварга шалгаруулах тэмцээнд 21 орны 196 өсвөрийн жүдоч хүч үзэж байгаа. Манай улсаас “Монголын жүдо академи”-ийн гүйцэтгэх захирал, дасгалжуулагч Гэндэнгийн Бат-Эрдэнэ, Э.Намуунцэцэг нарын удирдлага дор 17 тамирчин хүч үзэж байна. 

     Өнөөдөр  тэмцээний эхний өдөр манай зургаан бөх барилдсан. Хагас шигшээ барилдаанд хөвгүүдийн 66 кг-ын жинд Э.Наранзун, хөвгүүдийн 60 кг-ын жинд Ж.Энхтөр нар Казахстаны бөхчүүдэд ялагдлаа. Охидын 48 кг-ын жинд А.Хонгорзул Өмнөд Солонгосын бөхтэй барилдахаар шалгарч үлдээд байна.