Япон Улсын нийслэл Токио хотод зуун буудалт даамын блиц, рапид төрлийн өсвөрийн Азийн багийн аварга шалгаруулах тэмцээн болж өндөрлөсөн байна. Манай улсаас их мастер Ц.Сүхбат, дэлхийн даамын холбооны мастер Э.Даариймаа, спортын мастер Н.Хангай, Б.Эрмүүнзаяа нарын бүрэлдэхүүнтэй баг оролцож алт, мөнгөн медаль хүртжээ.

    Түргэвчилсэн буюу рапид төрөлд манай даамчид Тайваний багийг 8:0-ээр, Японы I, II багийг тус бүр 8:0-ээр, Макаогийн багийг 7:1-ээр, Хонконгийн багийг 8:0-ээр, Хятадын багийг 5:3-аар буулган авснаар алтан медаль хүртсэн байна.