Серби Улсын Белград хотод есдүгээр сарын 12-ны өдөр эхлэх цахим спортын “FISSURE Playground-2” тэмцээний нээлтийн тоглолтууд зарлагдлаа. Тус тэмцээнд “THE MONGOLZ”  багийн эхний тоглолтын учраа Франц Улсын төлөөлөл “3DMAX” баг байх болно. Тэдний тоглолт есдүгээр сарын 12-ны баасан гарагт 19:30 цагт явагдана.

    Нийт 1 сая.250 мянган ам. долларын шагналын сантай энэхүү тэмцээнд 16 баг өрсөлдөхөөр болсон байна.  Харин “TEAM VITALITY”, “SPIRIT”, “MOUZ”, гэсэн дэлхийн топ түвшний багууд оролцохгүй өнжөөд байгаа юм. Тийм учраас энэхүү тэмцээнд Ази тивийн төлөөлөл, дэлхийн чансаа “Номер-3”-т байгаа “THE MONGOLZ” баг чансаа өндөр нэгт бичигдэж байгаа юм. Тэмцээн хасагдах журмаар “ВО-3” зарчмаар тоглох бол финалд таарсан хоёр баг “ВО-5” журмаар тоглоно.