Боксын ДАШТ үргэлжилж байна. ОУХМ Мөнгөнцэцэгийн Энхжаргал өчигдөр Австралийн Рамаданыг 2-р үе болон 3-р үед яалтачгүй илүү илүү байснаар тулаан өндөрлөж дэлхийн аваргын эхний даваагаа авсан. Харин өнөөдөр Колумбын боксчин Арболедо Мендозатай тулалдана. Колумбын боксчин Парисын олимп, 2025 оны “ИБА”-гийн дэлхийн аваргад оролцож байсан, биеийн хөгжил сайтай, хүнд гартай боксчин байгаа. Голдуу хоёр номерт ажилладаг, угтуулж цохихдоо сайн, урт гартай, нэг онохоороо хэд хэд угсруулаад цохичихдог амаргүй өрсөлдөгч байна. Тэрбээр эхний даваандаа  Парисын олимпод оролцсон, хурдтай, техник сайтай боксчин ялсан юм.