Энэ өдөр жүдочин "World Master’s Games-2025" наадмын мөнгөн медальт ОУХМ Очирбатын Алтантүлхүүр мэндэлжээ. Тэрбээр дунд сургуулийн 5-6-р ангид байх үеэсээ жүдо бөхөөр хичээллэсэн байдаг. Монголын жүдо бөхийн “Загалмайлсан эцэг” хэмээн нэрлэгддэг “Боржин” клубийг үндэслэгч МУГД Ч.Машбат багшийн шавь нарийнх нь нэг юм билээ.  

     Харин одоо ОУХМ О.Алтантүлхүүр Өмнөд Солонгос Улсад бэлтгэл сургуулилалтаа хийдэг. Жюү жицү болон жүдо бөхийг Солонгос, Монгол хүүхэд, залуус, насанд хүргэгчдэд зааж байгаа.

      Тэрбээр 2023 онд Польш Улсад болсон жүдо бөхийн “Мастерс”-ын ДАШТ-ий 70 кг-ын жинд барилдаж, хүрэл медаль хүртэж байсан. Мастерсын Азийн аварга шалгаруулах тэмцээнээс алт,  ДАШТ-ээс мөнгө, хүрэл медаль хүртэж байсан манай улсын жүдо бөхийн ахмад “Шилдэг мастер”-уудын нэг билээ.