Олон улсын олимпын хорооны гишүүн, Монголын үндэсний олимпын хорооны ерөнхийлөгч Б.Баттүшиг, тэргүүн дэд ерөнхийлөгч Ч.Наранбаатар нар Соёл, спорт, аялал жуулчлал, залуучуудын сайд Ч.Ундрам тэргүүтэй төлөөлөгчдийг "Олимпик Хаус"-т хүлээн авч уулзан хамтын ажиллагааны талаар санал солилцлоо.

   Монгол Улсын баг тамирчид аравдугаар сард зохион байгуулагдах "Бахрейн 2025" Азийн залуучуудын наадам, "Милан Кортина 2026" өвлийн олимпын наадамд оролцох бэлтгэл ажлын тухай болон залуучуудын олимпын наадмыг Монгол Улсад хүлээн авах ач холбогдол, нөхцөл боломжийн талаар танилцуулга хийв.

    Мөн төлөөлөгчид МҮОХ-ны төв байранд үйл ажиллагаа явуулж буй “Олимпын музей”, номын сан, шинээр байгуулж буй подкаст өрөө болон хурлын танхимтай танилцав. Уулзалтад МҮОХ-ны Гүйцэтгэх зөвлөлийн гишүүд болон БТСУХ-ны төлөөлөл байлцав.