Таеквондогийн ОУХМ Нацагдоржийн Нэргүй багшийн төрийн дээд шагнал “Алтан гадас” одонгийн хүндэтгэлийн арга хэмжээ наймдугаар сарын 30-ны өдөр боллоо. Тус хүндэтгэлийн үеэр “Парис-2024” паралимпын мөнгөн медаль, дэлхийн аварга, МУГТ Г.Болор-Эрдэнэ, Н.Нэргүй багшид авто машин бэлэглэв.

    Таеквондогийн дэлхийн аварга Н.Нэргүй багш 2017 онд Сүхбаатар аймгийн “ЭХЛЭЛ” клубийг үүсгэн байгуулагч бөгөөд зүүн бүсэд тулааны урлагийг хөгжүүлэх үйлсэд үнэтэй хувь нэмэр оруулж  Ази тивийн болон дэлхийн медальтан олон шавь бэлтгэн гаргасан. Тэрбээр дэлхийн таван удаагийн аварга, Азийн таван удаагийн аварга, “Парис-2024” паралимпын мөнгөн медальт, МУГТ Г.Болор-Эрдэнийн анхны багш бөгөөд түүний гаргасан амжилтыг үндэслэн Н.Нэргүй багшийг төрийн дээд “АЛТАН ГАДАС” одонгоор шагнасан юм.