Сагсан бөмбөгийн “FIBA U16” Ази тивийн аварга шалгаруулах тэмцээн зохион байгуулагдах гэж буй энэ өдрүүдэд “FIBA”-гийн шүүгчийн сургалт явагдаж байна. Монголын сагсан бөмбөгийн холбооноос гаргасан хүсэлтийн дагуу сургалтыг “ФИБА”-гийн Азийн шүүгчдийн дарга Валид Абирэйчид удирдан явуулж эхэллээ.

     Тус сургалтаар сагсан бөмбөгийн шинэчилсэн дүрмүүдийг танилцуулж танхимын болон практикийн сургалтыг хийж шалгалт авах юм. Шалгалтын үр дүнгээр Үндэсний дээд лигийн 2025-2026 оны улиралд ажиллах эрхээ авна. “ФИБА U16” Азийн аварга шалгаруулах тэмцээнд Монгол Улсын иргэн, Олон улсын сагсан бөмбөгийн холбооны шүүгч Гантөмөрийн Ганбаяр ажиллахаар томилолтоо авлаа.