Булган аймгийн Булган сумын Засаг дарга Д.Бямбажаргалын ивээл дор ОУХМ Г.Батжаргал агсны нэрэмжит олимпын таеквондогийн 2025 оны “3х3 багийн тулааны УАШТ”-ний нээлтийн үйл ажиллагаа тус аймгийн БТСГ-ын спорт зааланд өчигдөр боллоо. Нээлтэд Булган аймгийн Засаг даргын орлогч О.Ундрах, Тамгын газрын даргын үүргийг орлон гүйцэтгэгч Д.Эрдэнэбилэг, Булган сумын Засаг дарга Д.Бямбажаргал, Монголын таеквондогийн холбооны дэд ерөнхийлөгч, “Сүмбэр цамхаг” ХХК-ийн захирал Э.Дэлгэрмаа, Монголын таеквондогийн холбооны үүсгэн байгуулагч, МУГД C.Ган-Эрдэнэ, С.Ганзориг нар оролцов.

     Мөн Монголын таеквондогийн холбооны Ёс зүйн зөвлөлийн дарга Д.Гантөмөр, ерөнхий нарийн бичгийн дарга МУГД Н.Эрдэнэбаатар, БНСУ-ын спортын гэмтлийн тэргүүлэгч “Сөүл Бонбридж” эмнэлгийн нөхөн сэргээх тасгийн эрхлэгч Жан Юн Ү нарын зочид төлөөлөгчид оролцов. Энэхүү тэмцээнд нийслэл, орон нутгийн 23 клуб, 97 багийн 400 орчим тамирчид ур чадвар, авхаалж самбаагаа сорин өрсөлдөж байгаа юм. Өнөөдөр тэмцээний финалын тулаанууд явагдаж багийн УАШТ өндөрлөнө.