Монголын морин спорт, уяачдын холбооны үүсгэн байгуулагдсаны түүхт 30 жилийн ой, “Их хурд-10” шигшмэл хурдан морьдын уралдаан, монгол уяачдын өдөрт зориулсан баяр наадам Хүй долоон худагт болж байна. Тус наадмын азарганы уралдаанд Хөвсгөл аймгийн Рашаант сумын харьяат, аймгийн алдарт уяач Амарсайханы Билгүүтэйн хар түрүүллээ.

     Харин аман хүзүүнд Увс аймгийн Зүүнговь сумын харьяат, Монгол Улсын алдарт уяач Далайн Батбаярын хул, айргийн гуравт Төв аймгийн Борнуур сумын Мөнхтөмөрийн Сайнзаяагийн хүрэн халзан, дөрөвт Булган аймгийн Булган сумын уяач Гүндсамбуугийн Гэгээнжаргалын бор, айргийн тавд Төв аймгийн Баянжаргалан сумын Бат-Очирын Саранхүүгийн сартай хүрэн орлоо.