АНУ-д 1981 онд анх зохион байгуулагдсан 44 жилийн түүхтэй дэлхийн спортын XII наадам “Хил хязгааргүй спорт, тоо томшгүй гайхамшиг” уриан дор Хятадын Чэндү хотод албан ёсоор эхэллээ. Тус тэмцээнд 116 улс орны 6679 оролцогч, 34 спортын төрөлд хурд, хүч, авхаалж самбаагаа сорин өрсөлдөх юм. Олимпын бус төрлийн гэвч дэлхийд ранкаар тэргүүлэгч тамирчид өрсөлддөг чансаа өндөр уг тэмцээнд Монгол Улсаа төлөөлж жюү жицү, пара жюү жицү, пауэрлифтинг, биллиард, дуатлон, самбо бөхийн тамирчид хүч үзнэ.