Өвлийн спортын төрлүүдийн хамгийн сонирхолтой нь шорт трeкийн тэмцээн байдаг. “ISU” буюу Олон улсын тэшүүрийн холбооноос 2024-2025 оны цуврал тэмцээнийг  энэ сарын 12-15-ны өдрүүдэд зохион байгуулах гэж байна. Тус тэмцээн ирэх долоо хоногийн баасан гарагт Сөүл хотод эхэлнэ. "ISU Short track World Tour" цуврал тэмцээний эхний хоёр нь өнгөрөгч аравдугаар сард Канадад болсон бол энэ долоо хоногт БНХАУ-д болж байна. Уг цувралын дөрөв дэх нь ирэх долоо хоногт БНСУ-ын Сөүл хотод болох юм.

       Монголын шорт трeкийн шигшээ багийн тамирчид "ISU Short track World Tour IV" тэмцээнд оролцох ба хамтарсан бэлтгэлийг Өмнөд Солонгост хийж байна. Шигшээ багийн дасгалжуулагч Б.Бат-Оргил олимп, дэлхийн аварга Чэ Жи Хүүн (Jihoon Chae) удирдлага дор тамирчдын хамтарсан бэлтгэлийг хангаж байгаа юм. Энэ удаагийн хамтарсан бэлтгэлийг Чэ Жи Хүүн багш хариуцан ажиллаж байгаа аж. Манай тамирчид ирэх долоо хоногт нэр хүндтэй тэмцээнд оролцохоор бэлтгэж байна.