Японы мэргэжлийн сүмо бөхийн их аварга Тэрүнофүжи Гантулгын Ган-Эрдэнэ 1991 оны энэ өдөр мэндэлжээ. Японы мэргэжлийн сүмо бөхийн “Исэгахама” дэвжээнд харьяалагддаг. 2010 онд Япон Улсын Тоттори мужийн “Жёохокү” ахлах сургуульд суралцаж, 2011 онд “Магаки” дэвжээнд анх элсэж, 2013 онд “Исэгахама” дэвжээ рүү шилжин оржээ.

        Тэрбээр үнэхээр гайхалтай хүчтэй, сэтгэлийн тэнхээтэй аварга билээ. Дээд зиндаа болох макүчи зиндаан  анх удаагаа түрүүлж озеки цол хүртээд удаагүй байх үедээ гэмтлийн улмаас барилдалгүй өнжиж, жонидан зиндаа хүртэл чансаа нь буурсан байдаг. Гэвч Тэрүнофүжи 2019 оны гуравдугаар сард дэвжээндээ эргэн ирж, улмаар 2020 оны тавдугаар сард дээд зиндаанд ахин дэвшиж, долпугаар сарын Нагояа башёд 13:2 даваатайнаар  түрүүлж эргэн ирэлтээ зарлаж байлаа.

        Түүнчлэн 2021 оны гурав болон тавдугаар сарын башёд түрүүлж озеки цолоо буцаан авсан юм. Мөн оны долдугаар сарын башёд 14:1 даваа авсан амжилттай үзүүрлэн мэргэжлийн сумо бөхийн 73 дахь ёкозүна “их аварга цолтон болсон билээ. Мөн Ёкозуна (Их аварга) цол хүртсэн башё болон дараагийн башёдоо дарааллан түрүүлсэн дөрөв дэх бөх Ган-Эрдэнэ  (Тайхо их аваргаас 60 жилийн дараа) болсон билээ.