2001 оны энэ өдөр “Төгс” дэвжээний тамирчин, Батхуягийн Мөнх-Эрдэнэ Увс аймгийн Тэс суманд мэндэлжээ. Тэрбээр 2023 онд чөлөөт бөхийн “U-23” ангиллын залуучуудын ДАШТ-ээс хүрэл медаль хүртсэн. Тус дэлхийн аварга Албани Улсын нийслэл Тирана хотод  болсон юм.  ДАШТ-ий шигшээ 16-д Б.Мөнх-Эрдэнэ Украины Георгий Казанжиг 9:2-оор, Шөвгийн наймд Энэтхэгийн Шубхамыг 13:2-оор цэвэр ялж, Хагас шигшээ барилдаанд 2022 оны Европын аваргын хүрэл медальт Армений Манвел Хнзрцянд 13:3-аар ялагдсан. Хүрэл медалийн төлөөх барилдаанд Германы Никлас Стечелег 7:5-аар ялж, ДАШТ-ий хүрэл медалийн эзэн болсон билээ. Харин насанд хүрэгчдийн 2024 оны УАШТ-ий  57 кг-ын жинд алтан медаль хүртсэн.  Мөн“The belt and road” тэмцээнээс алтан медаль, Дмитрий Коркины  тэмцээнээс мөнгөн медаль, “Шахтерская Слава” олон улсын тэмцээнээс хүрэл медаль хүртсэн манай улсын ур чадвар нь өсч яваа шилдэг залуу бөхчүүдийн нэг юм.