Дартсын төрлөөр Монголын тамирчид анх удаа алтан медаль хүртэж, цомын эзэн болжээ. Тайванийн Тайпэй хотод болсон Ази, Номхон далайн бүсийн аварга шалгаруулах 20 дахь удаагийн тэмцээнд манай улсаас 13 хүний бүрэлдэхүүнтэй баг оролцож, анхны цом, алтан медалиа эх орондоо авчирсан байна.

    Эрэгтэй, эмэгтэй ганцаарчилсан болон өсвөрийн ангилалд өрсөлджээ. Өсвөр үеийн хөвгүүдийн ганцаарчилсан төрөлд тамирчин М.Тэлмэн алтан медаль, Н.Батболд хүрэл, охидын ганцаарчилсан төрлөөр Б.Анхилуун хүрэл медаль хүртжээ. Мөн холимог хосын төрөлд мөнгөн медаль хүртсэнээр багийн нийлбэр дүнгээр өсвөрийн баг цомын эзэн болжээ.

        Насанд хүрэгчдийн эмэгтэйчүүдийн ангилалд баг болон хосын төрөлд Г.Оюун-Эрдэнэ, Б.Одончимэг нар мөн хүрэл медаль хүртсэн байна. Харин эрэгтэйчүүдээс М.Алтантүлхүүр мөнгөн медаль, мөн хосын төрөлд М.Алтантүлхүүр, Б.Жаргалсайхан нар мөнгөн медаль хүртэж, нийлбэр дүнгээрээ цомын эзэн болжээ.