Мэргэжлийн сүмо бөхийн арваннэгдүгээр сарын 1-ний өдөр болсон шинэ бөхийн шалгалт болжээ. Тус шалгалтад мэргэжлийн сүмо бөхийн 68 дахь их аварга Асашорюү Д.Давгадоржийн ах улсын начин Д.Сэржбүдээгийн хүү Лувсангомбо болон мэргэжлийн сүмо бөхийн 67 дахь аварга Мүсашимарүгийн шавь Даниел Айлуа нар оржээ.

    С.Лувсангомбо нь “Мэйтокү” сургуульд байх даа Бүх Японы аварга шалгаруулах ахлах ангийнхны тэмцээний шилдэг 16-д багтаж байсан. Гэвч сургуулиа орхиод мэргэжлийн сүмоч болохоор шийдсэн байна. Нэг жилийн дадлагын хугацаандаа санданмэ зиндаанын бөхчүүдтэй ана мана өрсөлддөг болсон гэж ояката нь ярьж байгаа аж.

     Харин Даниэл Айлуа нь 2019 оны есдүгээр сарын Аки башёд Мусашикуни зодог тайлснаас хойш Хавайн бөх анх удаа сүмогийн ертөнцөд хөл тавьсан нь энэ юм. Тэрбээр "Миний мөрөөдөл бол яг л ояката шигээ ёкозүна болох” хэмээн ярьжээ.