Ирэх 2025 оны хоёрдугаар сарын 7-14 ний хооронд БНХАУ-ын Харбин хотноо ес дэх удаагийн Азийн өвлийн наадам зохиогдох билээ. Энэ удаагийн наадам нь зургаан спортын 11 төрлийн 64 зай ангилалд 34 орны баг тамирчид өрсөлдөх юм. Монгол Улсаа төлөөлж спортын есөн төрөлд тамирчид өрсөлдөнө. Биатлон, тэшүүр, шорт трек, уран гулгалт, кёрлинг, цана, уулын цана, снөүбордын  төрөлд  80 гаруй тамирчин оролцохоор бэлтгэл сургуулилалтаа базааж байна.