Узбекистан Улсын Ташкент хотод ирэх сарын 2-8-ны өдрүүдэд “ITF”  буюу Олон улсын таэквондогийн холбооны дэлхийн цомын аварга шалгаруулах тэмцээн болно.  Тус дэлхийн цомд Монгол Улс 82 тамирчин, олон улсын гурван шүүгч, таван дасгалжуулагч, нийт 89 хүний бүрэлдэхүүнтэйгээр оролцохоор бэлтгэлээ хангаж дууслаа.

       Тус тэмцээнд оролцох баг бүрэлдэхүүнд БТСУХ-с сэтгэл зүйн сургалт орсон байна. Тамирчид, дасгалжуулагч, эцэг, эхчүүдтэй  ОТМХ-ны ерөнхийлөгч Э.Галбадрал болон удирдах бүрэлдэхүүн уулзаж амжилт хүслээ. Энэ үеэр багийн ахлагч олон улсын шүүгч М.Ариунболдод Монгол Улсын төрийн далбааг гардуулав. Мөн хар бүс, олон улсын дангийн болзол хангасан тамирчдын дангийн үнэмлэх, тэмдгийг гардууллаа.