Ширээний теннисний Азийн аварга шалгаруулах тэмцээн  Казахстан Улсын Астана хотод эхэллээ. Энэ удаагийн Ази тивийн аваргад 22 орны 213 тамирчин өрсөлдөж байна. Манай улсаас найман тамирчин өрсөлдөнө. Эрэгтэйчүүдийн ганцаарчилсан төрөлд М.Мөнх-Очир, Г.Сэр-Од, Б.Анхбаяр, М.Тэмүүлэн, эмэгтэйчүүдийн ганцаарчилсан төрөлд Б.Болор-Эрдэнэ, Ө.Балжинням, М.Ундрам, Б.Эгшиглэн нар өрсөлдөх юм.

     Түүнчлэн манай тамирчин эрэгтэй, эмэгтэй ганцаарчилсан төрлөөс гадна, холимог хос, багийн төрөлд оролцоно. Азийн аварга шалгаруулах 27 дахь удаагийн тэмцээний хуваарь ёсоор өнөөдөр багийн төрлүүд явагдана. Энэхүү тэмцээнд тамирчдаас гадна олон улсын шүүгч Х.Дамдинбаяр, Б.Давааням, Я.Болд нар шүүгчээр ажиллана.