Австрали Улсын Перт хотод энэ сарын 19-22-ны  өдрүүдэд зохион байгуулагдсан “NBA” болон “FIBA”-ийн хамтарсан “Basketball Without Borders 2024”-д Монгол Улсын” U18” шигшээ багийн тоглогч, Говьсүмбэр аймгийн өсвөрийн тамирчин Ганзоригийн Балжинням амжилттай оролцлоо.

     Тус хөтөлбөр нь Ази тивийн шилдэг эмэгтэй 30 тоглогч, эрэгтэй 30 тоглогчийг сонгон хамруулсан дөрвөн өдрийн кэмп юм. Тус өдөрлөгт НБА-гийн “Супер Од” Кармело Антони тэргүүтэй тоглогчид ирж оролцжээ. 2023 онд Сингапур Улсад болсон “NBA Camp”-д Г. Балжинням мөн сонгогдон оролцож байсан Монгол Улсын шигшээ багийн ирээдүй болсон тоглогчдын нэг юм.

     МСБХ-ны хувьд сүүлийн жилүүдэд бодлогын түвшинд сагсан бөмбөгт оролцогч бүх талуудаа олон улсын түвшинд хүргэхээр онцгой анхаарч ажиллаж байгаа ба үүний нэг хэсэг нь НБА болон ФИБА-тай хамтарч ажиллан Олон улсын томоохон хөтөлбөрүүдэд тоглогчдоо тогтмол хамруулж байна.