Унгар Улсын нийслэл Будапешт хотод хоёр жил тутамд болдог дэлхийн шатрын олимпиад есдүгээр сарын 10-23-ны өдрүүдэд болж байна. Тус 45 дахь тэмцээнийн эрэгтэйчүүдийн ангилалд 196, эмэгтэйчүүдэд 181 орны баг өрсөлдөж байгаа билээ.

          Манай улсаас Үндэсний шигшээ багийн дасгалжуулагч Д.Төрмөнх, Д.Янжиндулам нарын удирдлага дор эрэгтэйчүүдийн багт IM Г.Амартүвшин, FM С.Чингүүн, FM Э.Баасансүрэн, IM Э.Амилал, FM Х.Итгэлт нар тоглож буй бол эмэгтэйчүүдийн багт WGM Т.Мөнхзул, IM, гавьяат тамирчин Б.Мөнгөнтуул, WGM Д.Номин-Эрдэнэ, WFM Э.Хүслэн, WCM Б.Мөнгөнзул нар өрсөлдөж байгаа юм.

       Өчидөр тэмцээний долоо дахь өрөгт Монгол Улсын эрэгтэй баг Ливан Улсын багийг 3:1-ээр хожиж, дараагийн өрөгт Панама Улсын багтай өрсөлдөх бол манай улсын эмэгтэй шатарчид долоо дахь өрөгт Германы багтай тэнцэж, найм дахь өрөгт Армен Улсын багтай тоглохоор боллоо.