Монголын гимнастикийн холбоо нь жил бүр олон улсын томоохон тэмцээн уралдаан Монгол Улсад хүлээн авч ажиллахын зэрэгцээ “Хамтдаа хичээе” нийтийн гимнастикийн аяныг орон даяар өрнүүлж байгаа билээ. Тэгвэл энэ жил гимнастикийн томоохон наадмын нэг нь зургаа дахь удаагийн Ази тивийн нээлттэй “Жимнаестрада-2024” соёлын наадмыг Монгол Улсын нийслэл Улаанбаатар хотноо хүлээн авахаар боллоо.

         Монгол Улсын Ерөнхийлөгч Ухнаагийн Хүрэлсүхийн ивээл дор, Монгол Улсын Засгийн Газрын дэмжлэгтэйгээр, Олон улсын гимнастикийн холбоо, Азийн гимнастикийн холбооны удирдлагатайгаар “Жимнаестрада-2024” соёлын наадам анх удаа Монгол Улсад болно.

         Энэ сарын 13-15 -ны өдрүүдэд нийслэл Улаанбаатар хот Буянт-Ухаа спорт цогцолборт болох нийтийн гимнастикийн 6 дахь удаагийн Ази тивийн нээлттэй тэмцээнд

- Монгол Улсын - 58 баг

- Япон - 3 баг /Дэлхийн шилдэг баг/

- Солонгос - 2 баг

- Азербайжан - 1 баг

- Бразил - 1

- Дани - 1

- Герман - 2

- Малайз - 1 улсын шигшээ баг тамирчид өрсөлдөнө.

        Тэмцээн энэ сарын 15 -ны өдөр хаалтаа хийнэ. Олон улсын урлаг соёл, спортын наадам, тэмцээн болох “Жимнаестрада- 2024” -д өрсөлдсөн шигшээ баг тамирчдыг Чингисийн хүрээ дэх жуулчны баазад Монгол ахуй соёлыг сурталчилсан бэсрэг наадмаар үдэн гаргаж эх орноо сурталчлах боломж бүрдэх юм.