“ПОНТЕВЕДРА-2024” бөхийн төрлүүдийн “U20” насны дэлхийн аварга шалгаруулах тэмцээн есдүгээр сарын 2-ны өдөр Испанийн Понтеведра хотод эхэлсэн билээ. Энэ удаагийн ДАШТ-д 700 орчим тамирчин өрсөлдөж байна. Тэмцээн сонгомол бөхийн төрлөөр эхэлж, эмэгтэйчүүдийн тэмцээнээр үргэлжилж байгаа юм.

      Бөхийн төрлүүдийн “U20” насны дэлхийн аварга шалгаруулах тэмцээний эмэгтэйчүүдийн чөлөөт бөхийн хамгийн хүнд жин болох 76 кг-ын жинд манай тамирчин Т.Түвшинжаргал дагаж барилдана. Тэрбээр эхний тойрогт энэ оны залуучуудын Азийн аварга шалгаруулах тэмцээнээс алтан медальт Энэтхэгийн бөх Жиоти Бервалд 4:0-ийн харьцаатай ялагдсанаар дагах барилдаанд шилжлсэн. Улмаар Энэтхэгийн бөх финалдаж, манай тамирчин Т.Түвшинжаргал торгуулийн тойрогт Мэй Лэ Жантай хүч үзэхээр болжээ.  Хэрэв түүнийг ялах юм бол Туркийн бөх Элмира Ясынтай хүрэл медалийн төлөө барилдана.