Жүдо бөхийн Үндэсний шигшээ багийн дасгалжуулагч, жүдо бөхийн ДАШТ-ий хүрэл медальт, Азийн наадмын аварга, самбо бөхийн дэлхийн аварга, МУГТ Мөнхбаатарын Бундмаа 1985 оны энэ өдөр Өвөрхангай аймгийн Хархорин суманд мэндэлжээ.  Тэрбээр самбо бөхийн насанд хүрэгчдийн дэлхийн аваргын алт, самбо бөхийн залуучуудын ДАШТ-ий алтан медальтай. М.Бундмаа 2010 онд Японы Токио хотод болсон жүдо бөхийн ДАШТ-ий 52 кг-ын жинд Германы тамирчинг хутгах мэхээр ялж, дэлхийн аваргаас хүрэл медаль хүртэж байв.

      Мөн жүдо бөхийн Ази тивийн аварга шалгаруулах тэмцээнээс 2008 , 2009, 2011, 2012 онд мөнгөн медаль,  2005 онд хүрэл медаль авч байлаа. 2007 онд жүдо бөхийн оюутны  универсад наадмаас алтан медаль хүртсэн. М.Бундмаа 2011 онд Парисын гранд сламаас алт, “Москва 2011”  гранд сламаас алт, 2006 онд Зүүн Азийн наадмаас хүрэл, 2007 онд Тайландын Бангкок хотод болсон Азийн наадмаас алтан медаль хүртэж байлаа.