Жүдо бөхийн насанд хүрэгчдийн 2024 оны дэлхийн аварга шалгаруулах тэмцээний тов гарлаа. Олимпын жилийн насанд хүрэгчдийн ДАШТ 2024 оны тавдугаар сарын 19-24-ний өдрүүдэд Арабын Нэгдсэн Эмират Улсын Абу Даби хотод болохоор болжээ. Дэлхийн аваргын эхний өдөр эмэгтэйчүүдийн 48, 52 кг, эрэгтэйчүүдийн 60 кг-ын жингийн тэмцээн болно.

      Харин хоёр дахь өдөр эмэгтэйчүүдийн 57кг, эрэгтэйчүүдийг 66, 73 кг-ын жингийн барилдаан явагдана. ДАШТ-ий гурав дахь өдөр эмэгтэйчүүдийн 63 кг, эрэгтэйчүүдийн 81 кг, тэмцээний дөрөв дэх өдөр эмэгтэйчүүдийн 70, -78 кг, эрэгтэйчүүдийн  90 кг-ын жингийн барилдаан болно. Дэлхийн аваргын тав дахь өдөр эмэгтэйчүүдийн +78 кг, эрэгтэйчүүдийн -100, +100 кг-ын барилдаан явагдана. Харин ДАШТ-ий сүүлийн өдөр холимог багийн тэмцээн явагдаж 2024 оны дэлхийн аварга өндөрлөх юм.