Энэ өдөр “Бадамлянхуа иог төв”-ийн багш, “Монгол брэнд морин өртөө”  1000 км-ийн холын зайн өртөөчилсөн уралдааныг зохион байгуулагч, Монгол уламжлалтын их эмч, докторант,  “Big Blue Flower “ аяллын компанийн захирал Дамдины Цэцгээ мэндэлжээ.

        Тэрбээр монголчуудын уламжлалт нүүдэлчин ахуй амьдрал, өв соёлыг түгээн дэлгэрүүлэх үйлсэд үнэтэй хувь нэмэр оруулж яваа нэгэн билээ. Д.Цэцгээ багш морь, тэмээ, сарлаг, цаа бугатай Монгол онцлог бүхий аяллыг анх түрүүн санаачлан зохион байгуулагч юм. Монголын спортын салбарынхан Д.Цэцгээ багшийг Москвагийн олимпын мөнгөн медальт, Монгол Улсын гавьяат тамирчин, Ардын багш Цэндийн Дамдин багшийн охин, жүдочин Д.Сүлдбаярын дүү гэдгээр нь андахгүй.