Израил Улсын Тел Авив хотод 2024 оны хоёрдугаар сард зохион байгуулагдах ОУЖБХ-ны төлөвлөгөөнд ороод байсан жүдо бөхийн “Тел Авив” их дуулга тэмцээн Израил болон Хамас хоорондын дайны улмаас цуцлагдсан байна.

       Ирэх онд Парис-2024 олимпын наадамтай жил тул тэмцээн бүр чансааны оноо авх чухал ач холбогдолтой байгаа билээ. 2024 оны эхний тэмцээн болох Португалийн гран при тэмцээн нэгдүгээр сарын 26-28-ны өдрүүдэд зохион байгуулагдаж араас нь залгаад Парисын их дуулга тэмцээн зохион байгуулагдана.

      Тэгвэл 2020 онд гран при ангиллаар анх зохион байгуулагдаж улмаар 2021 оноос өнөөдрийг хүртэл их дуулга ангиллаар тасралтгүй зохион байгуулагдаж ирсэн “Тел Авив 2024” гранд слам тэмцээн дайны нөхцөл байдлын улмаас ийнхүү цуцлагдлаа. “IJF” буюу Олон улсын жүдо бөхийн холбооноос "Жүдо бөхийн гэр бүлийнхэнд маань тэмцээн бүр чухал ч аюулгүй байдал нэн тэргүүнд тавигдах ёстой. Сайн цаг удахгүй ирнэ хэмээн найдаж байна" хэмээн мэдэгдсэн байна.