Орхон аймгийн  Эрдэнэт хотын ерөнхий боловсролын сургуулийн сурагчдын дунд зохион байгуулсан сагсан бөмбөгийн “Сурагч лиг 2023” гурван сар үргэлжилж өндөрлөсөн байна. Тус лигийн аварга багаар IV сургуулийн эрэгтэй баг, “Эрдмийн сан” сургуулийн эмэгтэй баг аваргаар шалгарч “Шилжин явах цом”-ын эзэд болжээ.

Аваргаар шалгарсан IV, “Эрдмийн сан” сургуульд “Эрдмин” ХХК болон орон нутгийн төсвийн хөрөнгө оруулалтаар 3x3 сагсан бөмбөгийн талбайг байгуулж, ирэх жил хүлээлгэн өгөх юм байна.

“Сурагч лиг 2023”-ийн

Эрэгтэй багийн дүн:

I байр алтан медалийг IV сургууль

II байр мөнгөн медалийг XIV сургууль

III байр хүрэл медалийг 1-р сургууль

Эмэгтэй багийн дүн:

I байр алтан медалийг “Эрдмийн сан” сургууль

II байр мөнгөн медалийг 5-р сургууль

III байр хүрэл медалийг 18-р сургуулийн баг тамирчид хүртжээ.

 “Сурагч лиг 2023” тэмцээнийг УИХ-ын гишүүн Д.Батлут, аймгийн ЗДТГ, "Эрдэнэт үйлдвэр" ТӨҮГ, Эрдмин ХК, Апейро ХХК,  “Багандант” ХХК, “Орхон молл” ХХК, “Хюндай Монгол дистрибюшн” ХХК, “E-happy” шүдний эмнэлэг, “Rose&co” цэцгийн дэлгүүр, “Мастер инженеринг” , I-ECO цэвэр усны үйлдвэр дэмжиж, ивээн тэтгэгчээр оролцсон байна.