Монголын чөлөөт бөхийн өсвөр үе, залуучуудын 2023 оны лигийн тэмцээн үргэлжилж байна. Лигийн тэмцээн 2023-2024 оны улиралд хүрээгээ тэлэн “U17” насны ангилалд долоон бүсэд бүсийн лигийг зохион байгуулж байгаа. Ингэснээр орон нутгийн залуу тамирчид лигт оролцож ур чадвараа дээшлүүлэх боломжтой болж байна.

        Тус лигийн тэмцээн энэ сарын 7-ны өдөр “U17” насны ангиллын нийслэлийн бүсийн сүүлийн гурван тойргийн барилдаан Баянгол дүүргийн спорт цогцолборт явагдана. Мөн энэ сард бусад бүсийн тэмцээний шилдгүүд тодорч финалын шатанд өрсөлдөх тамирчдын нэрс тодрох юм. Финалын шат “U17” болон “U21” гэсэн хоёр насны ангиллаар 2024 оны нэгдүгээр сард сурагчдын амралтын үеэр Улаанбаатар хотод зохиогдоно.