Монголын үндэсний бөхийн холбооны “Pepsi-Алтан цом”-ын төлөөх хагас шигшээ барилдаанууд үргэлжилж байна. Гурав дахь өдрийн “С” хэсгийн хоёр дахь барилдаан Ховд-Дорноговь аймгуудын дунд өрнөж, Ховд аймгийн баг 22:3-аар илт давуугаар эхний ялалтаа авлаа.

       Ховд аймгийн багаас улсын аварга О.Хангай таван даваа, улсын заан Б.Пүрэвсайхан дөрвөн, улсын заан Б.Бат-Өлзий тав, улсын харцага Г.Ганхуяг тав, аймгийн арслан Ц.Төмөрцоож гурван даваа авч нийт 22 даваа авсан байна.

        Дорноговь аймгийн багаас улсын начин Х.Оргилболд нэг ч даваа аваагүй. Аймгийн хурц арслан Б.Баатархүү мөн даваа аваагүй байна. Гуравдугаар тойргоос сэлгээнд сууж, түүний оронд орж барилдсан аймгийн заан Б.Түвшинтулга унасан. Аймгийн арслан Б.Бадрал нэг даваа, аймгийн арслан Б.Батсайхан даваа аваагүй, аймгийн арслан Х.Очирхуяг хоёр даваа авч нийт гурван даваатай болжээ.