Японы мэргэжлийн сүмо бөхийн 2023 оны Кюүшү башёд Монгол сүмочид макүүчи буюу дээд зиндааны 100 дахь түрүүгээ хүртсэн түүхэн башё боллоо. Озеки Киришима Б.Лхагвасүрэн 13 даваатайгаар макүүчи зиндааны хоёр дахь түрүү, озеки цол аваад анхны түрүүгээ авч байна.  Мөн энэ жилийн бүх башёгийн нийлбэр дүнгээр хамгийн олон давсан бөхөөр озеки Киришима Б.Лхагвасүрэн 62 даваатай тодорлоо. Харин сэкиваке Дайэйшо 60 даваатайгаар хоёрдугаарт, озеки Хошёорюү С.Бямбасүрэн 59 даваатайгаар гуравдугаар байрт шалгарсан байна.

Японы Улсын мэргэжлийн сүмо бөхийн дээд зиндааны барилдаанд Монголчууд 100 дахь түрүүгээ авч байгаа юм.

Ёкозүна Асашёорюү Д.Дагвадорж 25 түрүү.

Ёкозүна Хакүхо М.Даваажаргал 45 түрүү.

Ёкозүна Харүмафүжи Д.Бямбадорж есөн түрүү.

Ёкозүна Какүрюү М.Ананд зургаан түрүү.

Ёкозүна Тэрүнофүжи Г.Ган-Эрдэнэ найман түрүү.

Сэкиваке Кёкүтэнхо Н.Цэвэгням нэг түрүү.

Сэкиваке Тамаваши Б.Мөнх-Оргил хоёр түрүү.

Сэкиваке Ичиножо А.Ичинноров нэг түрүү.

Озеки Киришима Б.Лхагвасүрэн хоёр түрүү.

Озеки Хошёорюү С.Бямбасүрэн нэг түрүү аваад байгаа юм.