Жүдо бөхийн шигшээ багийн тамирчид “Кокушикан”, “Нихон” их сургуулиуд дээр  хамтарсан бэлтгэлээ амжилттай хийж дуусгав. Монгол Улсын шигшээ багийн тамирчид арваннэгдүгээр сарын 11-ээс Япон Улсад тэмцээний өмнөх хамтарсан бэлтгэлээ эхлүүлсэн билээ. “Кокушикан” их сургуульд эрэгтэй шигшээ баг, “Нихон” их сургуульд эмэгтэй шигшээ баг бэлтгэлд хамрагдсан юм.

        Эрэгтэй, эмэгтэй шигшээ багийнхан энэ долоо хоногоос “Токай” их сургуульд хамтарсан бэлтгэлд хамрагдаж эхэлсэн. Энэхүү хамтарсан бэлтгэлийн туршид Япон Улсын иргэн “Баруун Япон ба Монголын хамтын нийгэмлэг”-ийн тэргүүн

          Токүшима, Монгол Улсын Өргөмжит Консул Каваүчи Широ тамирчдад санхүүгийн туслалцаа үзүүлж, чин сэтгэлээсээ дэмжсэн байна. Шигшээ багийн тамирчдыг 2023 оны сүүлийн чансаа өндөр “Токио 2023” их дуулга тэмцээнд бүтэн багаараа оролцоход мөн санхүүгийн дэмжлэг үзүүлсэн “Монос Фарм Трейд ХХК” Л.Эрдэнэчимэг, “Макс групп”-ын Д.Ганбаатар захирлуудад ихээхэн чухал үүрэг гүйцэтгэжээ.