АНУ-ын Охайо мужид жил бүр уламжлал болон явагддаг  усанд сэлэлтийн нэр хүндтэй тэмцээн болох “The 2023 Mark J. Braun Fall Classic” тэмцээн энэ сарын 17-20-ны  өдрүүдэд болж байна. Энэхүү тэмцээнд ОУХМ “Сэлэм загас” клубийн тамирчин Э. Эрхэс оролцож эхний өдөр гурван гараанд уралдаж нэг алт, нэг мөнгө, нэг хүрэл медалийн болзол хангалаа.

     Мөн 100 м-ийн  араар даллах сэлэлтэд өөрийн хувийн амжилтыг 51.57 байсныг 49.48 болгож бүтэн 2.09 секундээр ахиулж гайхалтай амжилтыг үзүүлсэн байна. Энэхүү гараанд “Division 1”-ийн топ сургуулиуд болох “Ohio State University”-д дуудагдсан Krys Gorski, “Cornell University”-д дуудагдсан Josh Toothman зэрэг шилдэг тамирчид өрсөлдсөн байна.