Дархан- Уул аймагт хоёр өдрийн турш үргэлжилсан Ц.Гонгор агсны нэрэмжит үндэсний бөхийн залуучуудын улсыг амжилттай явагдаж өндөрлөв. Тус УАШТ-д тэмцээнд Хөвсгөл аймгийн Ренчинлхүмбэ сумын уугуул, Дундговь аймгийн Эрдэнэдалай сумын харъяат, Зэвсэгт хүчний “Алдар” спорт хорооны бөх аймгийн арслан Н. Амгаланбаатар түрүүлжээ.  Архангай аймгийн Батцэнгэл сумын харъяат, Бөхбилэгт дэвжээний бөх сумын заан М.Баяржавхлан дэд байрт шалгарсан байна.

          Улсын аваргын “Уран барилдааны шагнал”-ыг Архангай аймгийн Батцэнгэл сумын харъяат, “Бөхбилэгт” дэвжээний залуу бөх Д.Дэлгэрдалай хүртжээ. “Уран гараа дэвээтэй бөх”-ийн шагналыг Төв аймгийн Батсүмбэр сумын харъяат, сумын заан Н.Батбилгүүн, “Өсөх ирээдүйтэй бөх”-ийн шагналыг Завхан аймгийн Яруу сумын харъяат, Дархан спорт хорооны бөх сумын заан А.Машбат, Булган аймгийн Хангал сумын харьяат, сумын заан С.Жавхлан нар хүртсэн аж.

Багийн дүнгээр :

Улсын харцага Т.Өсөх-Ирээдүй дасгалжуулагчтай “Алдар” спорт хороо

Б.Батхуяг дасгалжуулагчтай “Аварга” дээд сургууль

Улсын начин Ч.Ганзориг дасгалжуулагчтай “Бөхбилэгт” дэвжээ тус тус шалгарсан байна.