Азийн жүдо бөхийн холбооноос 2023 оны өсвөр, залуучуудын жүдо бөхийн Ази тивийн аварга шалгаруулах тэмцээнийг энэ сарын 16-19-ны өдрүүдэд Узбекистан Улсын Ташкент хотноо зохион байгуулах гэж байна. Энэ удаагийн Ази тивийн өсвөрийн аваргад 15 орны 182 жүдоч өрсөлдөхөөр мэдүүлгээ өгөөд байгаа бол манай улсаас эрэгтэй найм, эмэгтэй долоо буюу нийт 15 жүдоч өрсөлдөнө.

            Өсвөрийн насны онцлог нь 18 хүртэлх насныхан өрсөлдөх боломжтой байдаг бол залуучууд насанд 21 хүртэлх насныхан өрсөлдөх юм. Залуучуудын Ази тивийн аваргад харин 175 тамирчин өрсөлдөх мэдүүлгээ өгөөд байгаа бол манай улсаас эрэгтэй, эмэгтэй найман тамирчин буюу нийт 16 тамирчин өрсөлдөнө.