Биеийн тамир, спортын улсын хорооны даргын үүргийг түр орлон гүйцэтгэгч О.Баттулга "Сүүлийн үед Боксын холбоотой янз бүрийн мэдээлэл гараад байна.  Азийн наадмын үеэр допинг илэрсэн хоёр тамирчинд тухайн тамирчдын холбооноос арга хэмжээ авсан. Ингэхдээ Боксын үндэсний шигшээ багийн тамирчин Ч.Чинзоригийг холбооноос нь халах арга хэмжээ авсан.

       Мөн үндэсний шигшээ багийн ахлах дасгалжуулагч Ж.Энхтөр болон үндэсний шигшээ багийн эмч Ч.Насанбат нарын цалингийн 20 хувийг гурван сар хасах шийдвэр гарсан. Үндэсний шигшээ багийн дасгалжуулагч Эрдэнэбаяр, Даваацэрэн нарт нээлттэй сануулах  сахилгын шийтгэл өгсөн байна. 

         Харин Хүндийн өргөлтийн холбооноос Б.Эрдэнэзулыг 2023 оны аравдугаар сарын 7-ны өдрөөс 2027 оны аравдугаар сарын 27-ны өдрийг дуустал гадаад дотоодын тэмцээнд оролцох эрхийг хассан.  Мөн Олон улсын допингийн байгууллагад 5000 мянган ам.долларыг 2023 оны арваннэгдүгээр сарын 1-ний  өдрийн дотор төлөхийг дасгалжуулагч Март,  Эрдэнэзул нарт оногдуулсан байна.