Арабын Нэгдсэн Эмират Улсын Абу Даби хотод өнөөдөр жүдо бөхийн “Их дуулга” тэмцээн эхэллээ. Тус эрэгтэйчүүдийн 66 кг-д ОУХМ Б.Эрхэмбаяр, ОУХМ Г.Хэрлэн, барилдаж байна. Их дуулгад одоогийн байдлаар дэлхийн 83 орны эрэгтэй 296, эмэгтэй 179, нийт 475 тамирчин барилдаж байгаа юм.

        Манай тамирчин, ОУХМ Баттогтохын Эрхэмбаяр дэлхийн чансааны тавд эрэмбэлэгдэн 66 кг-ын жингийн бүх бөхчүүдийг манлайлан барилдаж байна. ОУХМ Баттогтохын Эрхэмбаяр эхний тойрогт гоц мөргөн, хийлж ялалт авсан. Хоёрдугаар тойргийн барилдаанд ОХУ-ын бөх Rufat Aleskerov-ыгялсан байна. Гуравдугаар тойргийн барилдаанд Лативын Anthony De Angelis-тэй барилдана. Түүнийг ялах юм бол “А” хэсгийн аваргын төлөө барилдана.

       Харин ОУХМ Ганболдын Хэрлэн “D” хэсгийн нэгдүгээр тойрогт Кувейтын Mohammad Aibarak-ыг, хоёрдугаар тойрогт Ираны Abolfazl Mahmoudi-ыг ялжээ. Гуравдугаар тойргийн барилдаанд Испанийн Torine Garicia-тай барилдана. Түүнийг ялах юм бол “D” хэсгийн аваргын төлөө барилдах юм.