“Рио 2016” олимпын хүрэл, ДАШТ-ий хүрэл медальт, Казахстан Улсын гавьяат тамирчин Г.Отгонцэцэгийн дасгалжуулагч, Дашжамцын Энхбаатар багш энэ өдөр мэндэлжээ. Д.Энхбаатар багш УБИС-д жүдо бөхийн багшаар ажиллаж байв. Түүний дараа "Тэмүүжин" спорт сургалтын төвд ажиллаж манай улсын олон шилдэг жүдочдыг бэлтгэн гаргах үйлсэд хувь нэмэр оруулсан.

      Тэрбээр "Рио-2016" олимпын наадамд Казахстан Улсын нэрийн өмнөөс шавийгаа барилдуулж хүрэл медальд хүргэж чадсан гавьятан. Д.Энхбаатар багш Казахстан Улсын жүдо бөхийн үндэсний шигшээ багийн эмэгтэйчүүдийн ахлах дасгалжуулагчаар томилогдон ажиллах хугацаандаа Казахын эмэгтэй жүдочдын ур чадварыг дэлхий түвшинд ойртуулсан юм.

      Д.Энхбаатар багш ДАШТ,  “Рио 2016” олимпод шавиа дасгалжуулан жүдо бөхийн эмэгтэйчүүдийн төрлөөс Казахстан Улсыг түүхэнд анх удаагаа эмэгтэй жүдочин олимп, дэлхийн медаль авсан амжилтыг үзүүлж чадсан билээ.