Монгол Жүдо бөхийн Үндэсний шигшээ багийн ахлах дасгалжуулагч, МУГТ, МУГД Халиуны Болдбаатар 1971 оны энэ өдөр мэндэлжээ. Өнөөдөр Жүдо бөхийн Үндэсний шигшээ багийн хоёр Болдоо багшийн төрсөн өдөр зэрэг тохиож байгаа юм. ОУХМ, дасгалжуулагч Чимэд-Ёндонгийн Болбаатар багш 1983 оны мөн энэ өдөр мэндэлжээ.

   Монгол Улсын гавьяат тамирчин, Монгол Улсын гавьяат дасгалжуулагч Халиуны Болдбаатар багш 71 кг-ын жин,  одоогийн 73 кг-ын жинд барилддаг байв. Тэрбээр Монгол Улсаа төлөөлж хоёр олимпод дараалж шагналт долдугаар байрт шалгарч байлаа.

     Халиуны Болдбаатар багш Тайланд Улсын нийслэл Банконг хотод 1998 онд болсон Азийн наадмын аварга юм. Харин Хирошима 1994 Азийн наадмаас хүрэл медаль хүртэж байв. Осака 1991, Манила 1997, Воньжоу 1999 Азийн аварга шалгаруулах тэмцээнээс мөнгө, Шинэ Дели 1995, Улаанбаатар 2001 Азийн аваргаас хүрэл медаль хүртэж байсан шилдэг жүдочин билээ.Тэрбээр Монгол Улсын олимпын анхны аваргыг төрүүлэн гаргасан багш юм. Харин Халиуны Болдбаатар багшийн эхнэр МУГТ Ц.Мөнхзаяа Лондон 2012 олимпын тавдугаар байр, ДАШТ-ий хүрэл, Азийн аварга шалгаруулах тэмцээний алтан медальтай, Азийн аварга тамирчин билээ.