Булган аймгийн Засаг даргын “ Шинэ хөгжлийн зам” мөрийн хөтөлбөрийн дагуу биеийн тамир, их спортыг дэмжих чиглэлээр үе шаттай ажлууд хийгдэж байна. Өнөөдөр өсвөр үеийнхнийг эрүүл чийрэг бие бялдартай өсөх, чөлөөт цагаа биеийн тамир спортоор хичээллэх боломж бололцоог нь дэмжих , нэмэгдүүлэх зорилгоор Булган аймгийн Биеийн тамир спортын газарт бокс, жүдо, самбо бөхийн хэрэгслүүд болон тус газарт дутагдалтай байсан зарим спортын хэрэгслээр хангалаа.

        Өнгөрөгч 2022 онд Булган аймгийн спортын салбарт нийтдээ 54 сая төгрөгийн хөрөнгө оруулалт хийгджээ. Өнөөдрийн байдлаар Булган аймагт спортын найман төрлөөр өсвөрийн шигшээ баг хичээллэж, секц, дугуйланд хамрагддаг хүүхэд, багачуудын тоо 20 хувиар өссөн үзүүлэлт гарсан байна.