Тайланд Улсын Бангкок хотод боксын “U22” хүртэлх насны Ази тивийн  аварга шалгаруулах тэмцээн үргэлжилж байна.  Энэ удаагийн Азийн аваргад  20 улсын 149 тамирчин оролцож байгаа юм. Ази тивийн аварга шалгаруулах тэмцээний эмэгтэйчүүдийн 57, 60, 63, 66 кг-ын жинд Б.Золжаргал, Т.Номин-эрдэнэ, Г.Бадмаараг, М.Цэцэгдарь нар финалд шалгарч аваргын алтан медалийн төлөө тулалдахаар боллоо.

        Тэмцээний 57, 60 кг-ын жинд Б.Золжаргал, Г.Бадмаараг нар Непал болон Казахстан Улсын тамирчинтай тулалдаж илт илүүрхэж ялалт байгуулжээ.  Мөн Т.Номин-эрдэнэ, Вьетнам Улсын тамирчинтай тулалдаж хоёр дугаар үед хүнд цохилт “КО” буюу  (Техникийн нокаут)-аар ялалт байгуулсан байна. Эрэгтэйчүүдийн 54, 57, 63.5 кг-ын жинд Д.Ганболд, Г.Лундаа, О.Тулга нар мөнгөн медалийн төлөө тулалдана.