“UNC-2023” 15 спорт холбооны нэгдсэн УАШТ-ий найм дахь өдөр жюү жицүгийн бүсний ангилалгүй улсын аварга шалгаруулах тэмцээний амжилттай зохион байгуулагдаж өндөрлөлөө. Тэмцээний насанд хүрэгчдийн ангилалд түрүүлсэн тамирчид энэ оны долдугаар сарын 14-21-ний өдрүүдэд Улаанбаатар хотноо болох бүсний ангилалгүй насанд хүрэгчдийн ДАШТ-д оролцох эрхээ авсан.

          Тэмцээний “Мастерс” ангилалд нийт 53 тамирчин өрсөлдсөн бөгөөд хамгийн ахмад тамирчин нь 69 кг-ын жинд өрсөлдсөн 61 настай Г.Алтангэрэл байлаа. Тэрбээр жиндээ хүрэл медаль хүртэж, жюү жицүгийн УАШТ-ээс медаль хүртсэн хамгийн ахмад тамирчин болсон байна. Түүнчлэн тус тэмцээний “U16”, “U18” насны ангилалын аваргууд энэ оны наймдугаар сард Казахстан Улсад зохиогдох бүсний ангилалгүй ДАШТ-д оролцох эрх авчээ.