Монголын 15 спорт холбоодын нэгдсэн “UNC-2023”  тэмцээний хүрээнд монголын корнхолын анхдугаар Монгол Улсын аварга шалгаруулах тэмцээн “Степпе Арена”-д зохион байгуулагдаж дүнгээ гаргалаа. Эмэгтэйчүүдийн ганцаарчилсан төрөлд хийлч мэргэжилтэй Цэнд-Аюушийн Намуун тэргүүлж, алтан медаль хүртжээ. Тэрбээр аваргын төлөө С.Түмэнжаргалтай гайхалтай өрсөлдөөнийг үзүүлэн түрүүлсэн байна. Энэ ангилалд хүрэл медалийг Сувдмаа хүртжээ. Харин эрэгтэйчүүдийн ангилалд Хүрэлбаатарын Хишигбат түрүүлж, анхдугаар улсын аваргын алтан медалийг хүртсэн байна. Мөнгөн медалийг А.Ням-Очир, Н.Булганбаатар хүрэл медаль хүртжээ.

         Эмэгтэй багийн тэргүүн байрт “Горхи”, хоёрдугаар байрт “Nike”, гуравдугаар байрт “Dream” баг орсон байна. Харин эрэгтэй багийн төрөлд тэргүүн байрыг “Монгол даатгал”, хоёрдугаар байрыг “Winners”, гуравдугаар байрыг “ACE” баг эзэлжээ. Эмэгтэй ганцаарчилсан төрлийн тэргүүн байрыг Ц.Намуун, хоёрдугаар байрт С.Түмэнжаргал, гуравдугаар байрт Э.Сувдмаа оржээ. Эрэгтэй ганцаарчилсан төрөлд Х.Хишигбат түрүүлж, А.Ням-Очир, Н.Булганбаатар нар хоёр, гуравдугаар байрт шалгарсан байна.