Монголын чөлөөт бөхийн “U17”, “U22” насны лигийн анхдугаар тэмцээнд спортын мастер Ёндонпүрэвийн Батдархан дасгалжуулагчтай "Хасу мегастарс", спортын мастер Улам-Оргихын Оюунбаяр дасгалжуулагчтай "Дархан Эрхэт" клубийн тамирчид Дархан-Уул аймгаас хүрэлцэн ирж амжилттай оролцож байна.

       Тэмцээний “U17” насны ангилалд 45 кг-ын жинд У. Буянхишиг,48 кг-д Т.Мянганбанзрагч, 51 кг-д М.Аманбек, 55 кг-д Г. Сүхбат, 110 кг-ийн жинд Л.Анхбаяр нар өрсөлдөж байна.Харин “U22” насны ангилалд 57 кг-ийн жинд П.Дашцэрэн, мөн жинд Б.Одсүрэн, 65 кг-д Т.Жанчивдорж, 70 кг-д Э. Төгсжаргал, 74 кг-д Б.Батбаяр, 86 кг-д О.Өсөх-Ирээдүй, 92 кг-д Т.Балжинням, 97 кг-д Д.Саранцогт, 125 кг-д Б.Баярмагнай нар барилдаж байгаа юм. Дархан-Уул аймгийн өсвөр үе, залуу тамирчдыг Ганболдын Ариунболд захиралтай "Дархан Эрхэт" ХХК ивээн тэтгэн туслаж дэмжиж тэмцээн уралдаанд оролцуулж байна.