Монгол Улс болон Япон Улсын хооронд дипломат харилцаа тогтоосны 50 жилийн ойн хүрээнд Монголын тэшүүрийн холбоо Монгол Улсад анх удаагаа өргөн хүрээний томоохон хэмжээний “Тал нутгийн мөсөн шоу” арга хэмжээг Япон Улсын тэшүүрийн холбоотой хамтран “Steppe Arena”-д  энэ сарын 27-28-ны өдрүүдэд зохион байгуулах гэж байна.

             Энэхүү шоунд Монгол, Япон Улсын мэргэжлийн уран гулгалтын тамирчид болон улсын үндэсний соёлын өв тээгч бүжигчид, уран бүтээлчид оролцоно. Уран гулгагч Г.Марал-Эрдэнэ, Хонго Рика, Каракава Цунеито, Урамацү Чисато, Хонда Хироки нар оролцоно. Харин бүжигчдээс Харашима Фумико, Харашима Мие, Шиммура Масакацу, Яамада Ёожи нар бүжиглэх юм.

      Уран бүтээлчдээс Монгол Улсын гавьяат жүжигчин Ө.Уянга, “Никитон” хамтлагийн дуучин Б.Батчулуун, гавьяат жүжигчин, дуучин Д.Оюунтүлхүүр, дуучин Б.Маралжингоо, бүжигчин  Мөнгөнцэцэг, хүүхдийн найрал дууны “Улаан бүч” чуулга оролцох юм байна.